સંતો જુઓ વિચારી

સંત કબીર દાસ

જ્ઞાની ધ્યાની સંતો જુઓને વિચારી,

આંખ વિના, પાંખ વિના, મુખ વિના નારી જી. (ટેક)

અંગડાનિ ઉજળી મુખડાની મીઠી,
ઇન્દ્રની સભામાં અમે રમતા દીઠી.  આંખ...

ઊંડો રે કૂવો સંતો પાંચ પનિયારી,

સર્વે પાણીડાં ભારે ન્યારી ન્યારી.  આંખ...

કાયા રે નગરમાં ધોબણ રાણી,

કપડાં ધૂવે સાબુ વિના પાણી.  આંખ...

આ રે કાયામાં ઘાંચણ રાણી,

તલડાં પીલે વિના બળદ ઘાણી.  આંખ...

કહત 'કબીર' સૂનો ભોઈ સાધો,

માતા કુંવારી એનો પિતા બ્રહ્મચારી.  આંખ...